@ 
由元朗區青年網絡轄下青年Fans Club主辦、世界自然基金會香港分會協辦嘅「元朗區青年Fans Club自然保育生態教育營」已經喺16-17/1同埋24-25/1完滿舉行咗啦。
今次教育營以米埔自然保護區為基地，區內青少年除咗喺落成冇耐嘅米埔斯科特訪客中心度過兩日一夜，玩盡「夜探米埔歷奇」以及「日間生態遊」等活動，體驗米埔嘅日與夜。參加者以不同嘅感官感受米埔濕地嘅自然生態環境。米埔除咗有唔同種類嘅雀鳥之後，仲有好多唔同生物，一班後生仔女喺夜晚去觀察另一種米埔居民「蝙蝠」，佢哋仲學埋點樣用蝙蝠探測器，以聲頻探測日常難得一見嘅蝙蝠。而喺日間，佢哋就利用望遠鏡喺保護區同埋觀烏屋觀賞不同嘅雀烏同埋認識佢哋嘅生活環境。各位參加者又被委派執行多項小任務，例如以觸覺感受米埔嘅動植物，再尋找所感受到嘅物件，從不同角度認識米埔自然生態。
