@ 
農曆新年將至，中西區民政處繼續透過舉辦多元嘅活動，致力推廣社區關愛及種族共融嘅訊息。
1. 電腦及手機義診服務
電腦或手機壞咗？民政幫到你！為幫助區內街坊解決電腦及手機問題，中西區民政處及中西區推廣使用資訊科技委員會日前(18/1)舉辦「電腦及手機義診服務 」。
青年義工耐心為參加者解答手機及電腦運作上嘅問題，受助街坊都感謝義工嘅幫忙，參與義工亦好開心可以善用佢哋嘅知識，幫助到有需要嘅居民。
中西區關愛隊隊員及義工亦有到場，了解街坊嘅需要，以及向佢哋送上溫暖嘅慰問。
2. 中西區地區為本種族融和計劃 - 7人足球友誼比賽
由中西區民政處主辦及鄰舍輔導會融方少數族裔外展服務隊承辦嘅「中西區地區為本種族融和計劃」嘅活動非常多元化，其中一項喺7人足球訓練班，以供區內熱愛足球運動嘅少數族裔青年參加。
經過兩個月嘅訓練，學員喺月中(19/1)齊集卜公花園，參加7人足球友誼比賽，與其他隊伍包括中西區體育會U13隊伍及All Stars FC對賽。各隊員都全力以赴，發揮團隊合作精神。勝出嘅隊伍再與中西區體育會U18青年隊較量。
學員透過今次嘅友誼賽，除咗可以與唔同嘅隊伍切磋球技外，更可以認識一班唔同族裔及有共同興趣嘅足球愛好者，透過活動互相交流，體驗彼此嘅文化，達致種族共融。
