@ 
農曆新年將至 ，荃灣區節日燈飾籌備委員會同荃灣民政處已經喺區內布置咗閃爍璀璨 嘅賀年燈飾 ，當中唔少得今年大熱嘅熊貓 主題燈飾，一齊送龍 迎蛇 ，「荃」力為地區注入歡樂節慶氣氛 ！亮點項目包括：
荃灣地鐵站對出嘅西樓角花園嘅發光彩虹門廊 ，絕對係最方便嘅打卡熱點 ，同場更有「#ddHK 設計#香港地」嘅藝術裝置《荃朋有你》，趣緻嘅卡通人物，係大、小朋友嘅摯愛 。
荃灣公園中央廣場嘅4隻Q版熊貓 ，配合招財進寶嘅金元寶 同財源滾滾嘅金幣，適合新一年打卡之餘，亦攞個好彩頭 。
大河道天橋上嘅可愛熊貓 圖案、燈籠 同金元寶 等賀年燈飾，與鄰近荃灣沙咀道遊樂場同荃灣裁判法院之間馬路中央分隔欄嘅變色燈幕 相映生輝，讓行人 及車輛 穿梭於璀璨耀目嘅燈海 之中。
除咗上述介紹嘅亮點，市民仲可以喺近荃灣悅來酒店天橋、近荃豐中心行人天橋、近富華中心天橋同海濱長廊等地點見到色彩斑斕嘅燈飾，鍾意影相 嘅你快啲嚟荃灣區打卡 感受滿滿嘅新年 氣氛。
