@ 
乙巳蛇年大年初一，海關關長陳子達親自帶隊探班！第一站，陳Sir陪同政務司司長陳國基及保安局局長鄧炳強，實地視察羅湖口岸節日通關安排。司長同局長對海關因應新春旅客出行高峰嘅準備同彈性調配人手以疏導人流表示非常滿意，並讚賞前線人員在春節期間緊守崗位，為市民提供優質清關服務，特意送上禮物為同事打打氣！
之後陳Sir馬不停蹄前往落馬洲、港珠澳大橋同機場口岸。期間陳Sir實測「智慧車底機械人」極速掃描車底，陳Sir大讚呢項創新科技大大減少駕駛者等候時間，令市民出行更方便。
陳Sir亦向前線同事送上新年祝福，特意帶來寓意甜甜蜜蜜的蜜柑禮盒，前線同事亦準備好蘿蔔糕一齊享用。除咗分享美食及心意，陳Sir亦向前線同事聽取工作情況同建議。陳Sir指出「人」係部門最重要嘅資產，希望同事上下一心，各展所長，將海關工作做得更好。
展望蛇年，香港海關將繼續「守正創新」，運用創新科技提升通關效率，全天候守護關口，保障市民旅客安心出行，確保物流便捷暢通，促進香港經濟。
陳Sir亦在此祝願香港及廣大市民蛇年「蛇行千里，路路亨通！」
