@ 
大家試過喺海上聽音樂會未呢？
由東區民政處及本地樂團(Ponte Orchestra)攜手合辦嘅「香江樂韻喜迎春海上音樂會」喺25/1圓滿舉行。本年度「東區文化節」以說好東區故事為主題，透過喺海上呈獻高質素嘅管弦樂表演，畀東區居民一邊享受美妙嘅音樂，一邊欣賞東區優美嘅海岸線同維港美景，同時感受新年嘅喜慶氣氛。
音樂會由東區民政專員陳尚文、本地樂團藝術總監林屴汧、東區各界關愛及發展基金會會長蔡志忠揭開序幕。樂團呈獻多首名曲，包括充滿喜慶嘅「春節序曲」、「步步高」；家傳戶曉嘅「仙樂飄飄處處聞」組曲；以及大家耳熟能詳嘅「獅子山下」等，歌曲中西合璧，觀眾更一齊拍手合唱，氣氛非常熱烈～
沿途見到好多東區著名地標，包括全新落成嘅東岸板道，街坊都話又有好去處啦 參加者獲大會贈送賀年福袋，又有書法老師即場贈寫賀年揮春，各人滿載而歸。
東區民政處祝大家身體健康、蛇來運轉、好事連連！
