@ 
就近歲晚，南區社區中有愈來愈多嘅暖意。
南區關愛隊喺農曆新年前發起嘅「南區關愛大行動迎新歲」已經圓滿結束喇！17小隊陣營雖小，已經探訪咗超過2000戶有需要家庭，並為200戶有需要家庭提供簡單嘅家居清潔同維修服務，幫手為迎接新春做好準備
今次大行動一如以往，充分體驗咗南區「政、商、民」無間合作嘅精神。除咗有南區關愛隊同區議員積極參與，仲有香港電燈義工隊加入行列，齊齊為社區出力，送上祝福同暖意，將關愛帶畀有需要嘅居民
南區民政處在此特別感謝所有參與行動嘅區議員、關愛隊成員、義工同埋慷慨捐贈嘅地區團體。全賴大家嘅付出同努力，先可以打造一個充滿關愛嘅社區！
展望未來，南區關愛隊將繼續夥拍區議會同地區持分者，凝聚社區資源，用行動關心同服務街坊。
@ 
@