@ 
灣仔民政處聯同灣仔區青年網絡早前(18/1)舉辦咗 2024-2025「勇闖高峯@TEEN地- 青少年發展計劃」結業分享會 ，各個學員可以一展學習成果，亦同時分享佢哋嘅學習感受同經驗。
分享會除咗有學員代表分享得著同感想，仲有學員即場表演K-Pop舞蹈同唱歌，完全感受到學員全程投入嘅熱情。現場亦設置唔同嘅分享攤位，提供機會畀早前上完香水調製、3D打印、咖啡拉花 、無酒精調酒同埋結他 課程嘅學員可以即席表演，將佢哋所學到嘅嘢展現出嚟，仲可以同嘉賓交流互動。
2024-2025「勇闖高峯@TEEN地 - 青少年發展計劃」已經圓滿結束。透過今次計劃，年青人可以學習到唔同嘅技能，亦幫助佢哋發掘更大嘅潛能同更多嘅興趣。
