「博愛好聲音」青少年歌唱比賽2024-25

由元朗民政處同博愛醫院合辦、民政總署社區參與計劃贊助嘅「博愛好聲音」青少年歌唱比賽2024-25喺2/2圓滿舉行啦！

大會舉辦呢個一年一度音樂盛事嘅目的，係希望提供一個平台畀鍾意流行音樂嘅青少年發揮潛能，培養佢哋嘅歌唱技巧、演繹風格、音樂感同埋舞台感染力等多方面才能，讓佢哋可以喺舞台上發光發亮。今年共有超過500位參加者爭奪少年組同埋公開組嘅冠軍寶座。12位選手經過多輪嘅海選同初選後最終成功踏上決賽嘅舞台，大展歌喉，盡情展現佢哋嘅音樂才華。