@ 
2月3日正式踏入立春，中西區民政處祝大家蛇年大吉，身體健康。中西區15隊關愛隊更一直風雨無阻，關心區內居民嘅需要，將愛心傳送到家家戶戶。近期，中西區關愛隊更喺新年前舉行咗一連串活動，同居民一齊歡度新春。
1. 農曆新年活動
農曆新年前夕，中西區各小區關愛隊都喺區內設置街站，派發揮春同利是封，並即席揮毫為居民寫揮春，廣受居民歡迎！同時，關愛隊亦趁機會派發最新宣傳單張，積極向居民介紹關愛隊嘅工作。
各小區關愛隊亦都繼續探訪區內獨居長者及三無大廈嘅居民，為佢哋送上新年祝福。
2. 沙頭角禁區歷史一天遊
堅摩關愛隊喺上月中(11/1)亦舉辦咗沙頭角禁區歷史一天遊，行程包括到訪塱原自然生態公園、沙頭角抗戰紀念館及沙頭角碼頭。
其中，參加咗一日遊嘅居民都表示參觀抗戰紀念館加深咗佢哋對抗戰時港九大隊嘅了解，一同緬懷為保衛家園而犧牲嘅英雄。參觀行程別具教育意義，參加嘅居民都表示獲益良多。
中西區關愛隊喺2025年會繼續舉辦多元化嘅活動，將關愛社區嘅工作做得更深更廣，亦都請各位街坊繼續密切留意、踴躍支持。
@ 
@