@ 
海洋公園港產大熊貓龍鳳胎BB差唔多半歲大喇！「家姐」同「細佬」 就嚟可以同大家見面，拜個好年！
2月4日，南區民政專員Francis、西區警區指揮官Lincoln，同埋一眾南區區議員好榮幸獲海洋公園邀請，嚟到海洋公園，同「家姐」、「細佬」拜個早年！
家姐同細佬兩個小毛團 開頭好舒服咁喺樹上休息，見到我哋之後，細佬開始巡視四周。過多陣，家姐都同我哋打招呼，兩姊弟仲大玩摔角，而媽媽盈盈就喺旁邊繼續淡定食竹葉，一於少理。
仲幫襯買咗好多海洋公園原創設計嘅熊貓精品，同埋捐款支持海洋公園嘅保育工作，身體力行，支持可愛大熊貓。
