@ 
灣仔區嘅社區人士，希望趁新春佳節向區內社群送上溫暖同祝福 。灣仔民政處、香港灣仔區各界協會及眾多關愛隊義工，較早前一同齊集喺銅鑼灣摩頓臺活動中心包裝新春福袋 。每個福袋都有食品 ，亦有日用品如LED 夜燈、暖水壺及卡片套等，非常實用。其後就一齊將福袋送贈畀區內居民，以及探訪長者，希望將新春嘅喜悅與祝福送達至每一位。
探訪其中一位獨居老友記時，佢好開心同感動有義工來訪，亦多謝關愛隊及義工定期探訪同問候，為佢維修好家中損壞嘅電燈 ，避免因摸黑發生意外而受傷。婆婆真摯嘅笑容，令今次嘅探訪倍添意義 ！
除咗灣仔民政處外、社會福利署東區及灣仔區福利專員蕭建香 、香港灣仔區各界協會會長莊創業、灣仔關愛服務及發展基金會長符文靜與多位區議員等都有到場，一齊將關懷與祝福送畀灣仔區嘅街坊，為社區注入正能量 。
灣仔民政處喺度向大家拜年，祝各位蛇年大吉、身體健康，家庭幸福 !
