@ 
今日民政總署署長杜潔麗正式上任 。心繫民生嘅署長第一日返工就已經到社區關心市民，探訪唔同家庭 。
署長今日喺觀塘民政專員何立基陪同下，聯同觀塘區議員同順天關愛隊，一齊探訪居於順天邨嘅兩戶長者家庭，向佢哋拜年，了解佢哋嘅生活情況同需要，並送贈清潔包 及福袋 ，送上祝福。受訪家庭表示，長者家庭喺日常生活上都遇到唔少困難，幸而有關愛隊探訪同幫助，解決咗佢哋好多嘅不便，例如協助單位清潔、進行家居維修等。關愛隊改善佢哋生活之餘，亦令佢哋感受到社區嘅溫暖。受訪家庭非常感謝關愛隊所提供嘅支援。
署長亦感謝一眾區議員同關愛隊成員，喺社區為市民提供符合區情嘅活動同服務，並為佢哋打氣，希望佢哋一直以「民政幫到你」嘅精神一齊為社區多添溫暖同關愛。
嚟緊嘅日子，署長會帶領部門同事繼續秉持以民為本嘅精神，盡心做好每項工作，全心服務市民
@ 
@