@ 
尋日（1/2）喺大年初四 ，由西貢區鄉事委員會主辦、民政總署贊助嘅「西貢民間文化之龍獅麒麟賀新春2025 」喺西貢天后廟廣場 舉行。
西貢民政專員馬瓊芬、新界鄉議局主席劉業強、中聯辦新界工作部副處長余劍文、西貢區鄉事會主席王水生、坑口鄉事會主席劉啟康、西貢北約鄉事會主席李耀斌、立法會議員李世榮、林素蔚及總策劃人蘇國興同一眾政府部門代表入廟上香， 願香港百業興旺 、市民新春大吉 、身體健康 、家庭幸福 ，蛇年行大運 。
西貢天后廟有過百年歷史，香火鼎盛， 福蔭西貢，亦係本港二級歷史建築。一眾嘉賓、鄉民、街坊一齊欣賞精采舞麒麟、醒獅 同傳統武術表演。當中舞麒麟係西貢區嘅非物質文化遺產，寓意為鄉民帶嚟好運 。
