@ 
靈蛇獻瑞、萬事如意！民政總署署長杜潔麗、南區民政專員兼南區區議會主席鄭港涌聯同中聯辦港島工作部副部長楊成偉、立法會議員蘇長榮、陳學鋒同埋一眾南區區議員、政府部門代表、社區賢達同領袖喺2月5日南區民政處同埋南區區議會合辦嘅「南區乙巳年新春酒會」同大家拜年。
署長致辭時提到，南區區議會同南區關愛隊一直展現服務市民嘅熱誠，深信未來會攜手並肩，繼續卓越表現，為市民做實事。專員亦提醒大家，嚟緊三月鴨脷洲將舉行洪聖傳統文化節。今年仲有首次舉辦嘅國際高椿舞獅邀請賽，想感受南區古樸結合新潮嘅雙重魅力，記得要嚟喇！
踏入蛇年，簡單總結吓南區去年嘅工作成果：
- 20位區議員加入區議會屬下全部5個委員會，喺大會同委員會會議出席率仲要達%；年內議員收到近8000宗求助個案，9成半已成功解決
- 南區關愛隊運作首年平均每隊探訪/接觸超過800個有需要住戶，提供約90次支援服務，超過全港平均水平6成同8成；年底再次同區議會合作，展開「歲晚關愛大行動」，向2000戶居民傳達關愛
- 民政處聯同區議會同地區團體全力籌辦「南區處處有熊貓」系列活動，慶祝大熊貓新成員到來，當中包括熊貓巴士、熊貓舢舨、熊貓燈飾、熊貓地畫、熊貓點心等，各項活動大受歡迎，受益人次近百萬，促進地區經濟
- 發揮好「政、商、民」合作精神，成功舉辦咗超過80項賀國慶75周年活動，吸引咗超過60萬人次參與
- 成立咗大廈管理合作小組，作為區議員同民政處分享有關個案嘅平台，共同協助居民
- 邀請咗南區青年同埋本地藝術家，設計各種打卡點，例如立體熊貓地畫、連接香港仔大道同漁暉苑嘅「百步梯」等；仲積極跟進各項地區小型工程，同埋其他區內美化項目如沙灣徑等
- 同南區學校聯會及地區團體連結區內約30間中小學及幼稚園，成功舉辦咗長達一年、匯集各種傳承國粹活動嘅「龍文化教育薈萃」；仲破世界紀錄、安排超過400名中小學生同時演練「工字伏虎拳」
- 區議會躬身垂範推動「國安港安，港安民安」嘅精神，包括總動員率先參觀國家安全展覽廳、成為首批「國家安全教育地區導師」、舉辦首場「國家安全教育地區導師分享會」，為超過300名師生介紹國安嘅領域同重要性
- 南區防火會、滅罪會亦非常積極喺區內宣傳訊息，合共接觸超過10000名居民
- 就石澳道嚴重山泥傾瀉同路陷事故，聯合各部門喺石澳村同大浪灣村進行大型演習，並將石澳道斜坡工程納入「長遠防治山泥傾瀉計劃」
南區民政處一向「精兵簡政」，但我哋嘅熱誠、魄力同埋服務市民嘅心意十足。喺度大家蛇年吉祥、家庭幸福、身體健康！
@ 
@