@ 
蛇年伊始，萬象更新。年初十(2月8日)東區民政處喺北角社區會堂舉辦咗「東區乙巳年新春團拜」 ，與一眾政府部門代表及地區領袖共聚一堂，齊賀新歲！
民政總署副署長易志宏、中聯辦港島工作部副部長尤斌、東區民政專員兼東區區議會主席陳尚文，聯同其他主禮嘉賓，一齊為醒獅點睛，簪花掛紅，為東區喺新一年帶來好運同福氣。今年民政處仲用咗一個特別嘅方式同嘉賓拜年——就係用無人機送上滿滿嘅祝福。
副署長致辭時表示，東區有多項重要工程相繼落成，例如東岸板道嘅西段、以「水族館」為外牆主題嘅漁灣社區會堂美化工程等，讓市民有更多休閑打卡嘅好地方。另外，東區區議會、三會、青年會以及關愛隊都積極投入地區事務，展現愛國愛港精神。深信在各方努力下，東區定必繼續成為朝氣勃勃、安居樂業嘅好地方。
過去一年，東區民政處與地區團體㩦手舉辦咗多項精彩嘅慶典及文化活動，尋日就與來賓一齊分享開心嘅精華片段。場內亦擺設咗影相機同夾公仔機，深受來賓歡迎。為咗向來賓表示謝意，民政處特別送上印有東區吉祥物「東東」嘅社企賀年食品及「東東」襟章，以感謝佢哋對東區民政處嘅支持。
東區民政處仝人祝大家蛇來運到，福如靈蛇、身體健康，大吉大利。
