@ 
4/2，離島民政處舉辦咗「離島夢飛翔—航空業主題訓練」活動 ，畀參加者深入了解航空業 。
參加者喺香港國際航空學院帶領下，了解到航空業同香港國際機場嘅歷史、架構同運作，以及航空業嘅職業發展路向，對參加者生涯規劃頗有啟發 。聽完講解，參加者仲一齊參觀停機坪，近距離觀賞飛機升降 ，機會難得，大家都好興奮 ！
參加者更有機會可以一嘗做機師同地勤嘅感覺。佢哋唔單止試玩到飛行模擬器 ，亦有機會操控航空交通管制模擬器。香港國際航空學院更特別開放登機櫃檯工作區，畀參加者近距離了解地勤工作 。各位參加者都玩得好投入同開心 ！
未來會繼續為青少年舉辦更多唔同類型嘅活動，啟發潛能，讓年輕人發揮所長，敬請期待 ！
