@ 
為咗慶祝農曆新年，中西區地區團體喺上1月26日舉行咗「地區文化藝術活動 - 染藝之饗: 養生療癒館」活動，令中西區成為一個充滿創意與藝術嘅交流平台，亦讓中西區居民可以一同感受藝術之美與健康之道。
今次活動以染色藝術同中醫文化為主題。參加者可以到訪館內體驗草木印染技術，親手製作印染咕𠱸。參加者以「福」、「蛇年」、「金錢」同「年年有餘」為靈感，創作出印有多樣化圖案組合嘅咕𠱸，更將呢份創意同祝福帶返屋企，攬著親手製作嘅藝術品過年，為新年增添色彩同喜悅。喺學習草木印染背景嘅同時，亦感受中華文化之美。
而喺「養生療癒館」亦有中醫學系同學為大家介紹養生花茶嘅用途，體驗中醫學術嘅博大精深。喺凍冰冰嘅冬日下，沖一杯暖心花茶，健康平安過新年。
一花一草皆有作用，無論喺藝術定中醫學上都扮演住重要角色。中西區民政處希望透過今次活動，令更多中西區居民體驗到獨具特色嘅草木印染技藝同中醫文化，接觸同學習到新嘅技能，培養更大嘅興趣，發掘更大既潛能！
