東風夜放花千樹@大埔心願夜市2025開幕

由大埔民政處、大埔區議會及大埔藝術中心攜手打造嘅心願夜市2025，元宵佳節喺大埔藝術中心正式啟市，陪你過足3個情人節！

民政總署署長杜潔麗親臨主持開幕儀式，仲去到啱啱亮燈就已經人頭湧湧嘅元宵彩燈會，同猜燈謎嘅街坊交流，亦喺夜市攤檔買咗唔少長者同特殊需要人士嘅手作產品！

心願夜市今晚會繼續免費派發串串湯圓，2月14/15日情人節會派發應節玫瑰花、3月14/15日白色情人節會派發白朱古力應節！