@ 
載譽歸來，由香港觀塘工商業聯合會、觀塘民政處同觀塘區議會合辦嘅「龍騰觀塘新春夜市2025」由今年 月 日開始，至 月 日完滿結束，歷時24日、橫跨農曆新年嘅新春夜市，吸引咗近30萬市民 、海外遊客到訪。特別喺農曆年廿六到年初五，夜市人流更加係非常暢旺。場內各款美食 同特色商品 大受歡迎，連日來旺丁旺財，每日吸引逾萬人次到訪，夜市總營業額高達600萬元。
夜市共有近30個飲食類及非飲食類嘅攤位，售賣各類型嘅香港街頭小食同家鄉食品 、手工藝精品 及花卉 。今年大會亦設置咗兒童遊戲區 ，提供多項益智遊戲畀小朋友參與，並設有富香港特色嘅打卡燈牌及以熊貓為主題嘅打卡區 。
夜市位於觀塘市中心自由空間（鄰近裕民坊），位置非常方便。市民嚟到仲可以到訪鄰近分別由觀塘民政處及市區重建局設置嘅新春燈牌裝飾同80隻可愛熊貓裝置 ，除咗有得食、有得玩，仲又有得打卡 。
另外，大會亦預留咗攤檔畀政制及內地事務局、觀塘區議會、基督教聯合醫務協會輪流作宣傳推廣 ，亦預留咗攤檔畀觀塘區基智中學及基督教家庭服務中心屬下嘅社會企業，展銷創意商品 及手工藝品 。同時，為咗向到訪市集嘅市民喺春節期間送上祝福及增添新春嘅喜慶感，大會特別於新年前夕幾日邀請Studio KT及知專設計學院嘅學生、各觀塘區議員及觀塘民聯會嘅書法家免費為街坊市民設計創意揮春 及即席揮毫手寫傳統揮春。
