@ 
「深水埗乙巳年新春團拜」活動尋日（13/2）喺石硤尾多彩皇宮舉行！
活動由三頭醒獅率先打響頭炮，一眾嘉賓都有喺醒獅拜年時趁機摸獅頭，希望新一年有好嘅開始！場內新春節日氣氛亦都好濃厚。深水埗體育會主席梁鉅海話今年係四年一度嘅全國運動會，香港將會承辦八個項目，加上啟德體育園即將喺3月1號舉行開幕典禮，進一步帶動體育運動嘅熱潮。
當日主禮嘉賓包括民政總署副署長易志宏、中聯辦九龍工作部副部長李文彬、深水埗民政專員黃昕然、深水埗警區副指揮官張志偉、全國人大代表徐莉、全國人大代表文穎怡、香港廣東社團總會常務副主席鄧佑才、九龍社團聯會常務副理事長林德興、立法會議員梁美芬、鄭泳舜、梁文廣同陳凱欣、深水埗體育會創會主席陳東同埋深水埗居民聯會理事長陳偉明。一眾「三會」成員、政府部門、合辦機構同地區友好團體都有出席，齊來賀新年，場面好熱鬧呀！
活動由深水埗民政處、深水埗體育會同埋深水埗居民聯會攜手合辧。
