@ 
油尖旺喺情人節當然有唔少活動畀大家同摯愛親朋參加啦，包括：
1.2月14日晚喺尖沙咀上空有無人機匯演，多謝活動主辦方贊助門票，油尖旺民政處安排咗青年網絡成員去特定位置欣賞，而油尖旺民政專員 Edward就做主禮嘉賓。
2.香港舞蹈團由2月14日晚起一連三日，喺西九戲曲中心上演《風雲》舞劇，油尖旺民政處亦安排青年入場睇呢套漫畫改編嘅多媒體製作。
3.西九亦再次舉辦「夜樂西九」市集，油尖旺民政處作為支持機構，搵咗一班少數族裔婦女及青年義工一連三日（2月14日—2月16日）開檔（近M+博物館）。
佢哋為大家繪畫具節日特色嘅Henna Tattoo，油尖旺民政助理專員Ingrid（2月14日）晚上都去咗支持。
4.而2月14日Edward專員亦去咗油麻地天后廟，同其他嘉賓一齊，將農曆新年期間由居民同遊客寫嘅願望化寶，為大家祝願。
@