@ 
荃灣福來邨永嘉樓升降機發生故障 ，影響居民上落。荃灣民政處收到消息後，14/2下晝立即召開應急會議 ，同房屋署、有關區議員以及關愛隊等商討支援方案。荃灣民政專員區家盛亦率領各方代表到永嘉樓實地視察 ，了解關愛隊同房屋署動員同埋居民出入嘅情況，亦到升降機房聽取維修𠄘辦商 匯報，表達對事件嘅關注。
房屋署同維修承辦商 現正全力搶修故障嘅升降機 。福來關愛隊喺永嘉樓地下設置咗援助站，安排人手通宵留守，為有需要嘅居民服務。房屋署亦增派人手到場支援居民 。此外，關愛隊義工亦同房屋署人員攜手合作，喺唔同嘅樓層駐守同提供協助，如致電 長者戶 同有需要住戶，仲有安排人員到唔同樓層，向居民發放最新資訊 ，更安排咗樓梯機俾行動不便嘅居民使用。
升降機於14/2晚上完成搶修，現已恢復運作。關愛隊繼續協助居民陸續回家。
