@ 
今年嘅2月14日係一個既溫暖又特別嘅日子 ，除咗情人節 ，亦係 葵青警區輔警人員周年進修結業會操典禮 。111位隊員由 指揮官袁嘉維輔警警司 帶領下，昂首闊步咁操過檢閱台 ，盡顯專業 。
典禮由「葵青區少年警訊名譽會長會」會長暨「葵青區撲滅罪行委員會」委員 張漪莎擔任檢閱官。同時好榮幸邀請到 警務處處長蕭澤頤、 香港輔助警察隊總監楊祖賜、 新聞統籌專員謝振中、 兩位全國政協常務委員 高永文醫生及 施榮懷，以及葵青區少年警訊名譽會長會 及各界社會賢達 等出席，共同見證呢份歡欣喜悅嘅時刻 。
檢閱官致辭時 ，讚揚嚟自唔同行業嘅隊員 用工餘時間，同正規警察一齊緊守崗位、並肩而行，為捍衛香港法治作出貢獻，同心協力，守護香港，守護葵青。
@ 