@ 
屯門區撲滅罪行委員會聯同屯門民政處及屯門警區16/2喺屯門文娛廣場舉辦「屯門區齊心滅罪嘉年華2024-2025」，吸引咗唔少街坊一家大細參加！屯門滅罪會主席樓家強同埋屯門民政專員關可臨同屯門警區指揮官黃浩翰，以及一眾政府部門代表主禮活動啟動禮。典禮上亦嘉許咗本年度「屯門區表揚警察計劃」、「屯門區防罪大使獎勵計劃」、「屯門區最佳保安員選舉」嘅得獎者，表揚優秀嘅警務人員同協力防止罪案發生嘅巿民！
今年嘅重點主題除咗「提防騙案」外，仲有「一齊企硬 唔take嘢！」、「加強青少年守法意識」同「提防爆竊及盜竊」，向各位屯門區嘅街坊宣傳防罪滅罪嘅訊息。除此之外，活動仲有提醒大家向今年警方重點打撃嘅新興毒品「太空油」Say No，鼓勵大家一齊將防罪滅罪信息同家人朋友分享。
