@ 
星月同行職業體驗工作坊
一元復始，萬象更新，東區青年發展及公民教育委員會開創嘅「星月同行」三層架構師友計劃 - 「The Journey」嘅友師同學員就開心迎接新年，規劃未來！佢哋喺早前（25/1 & 15/2）分別參加咗多媒體同埋禮儀師職業體驗工作坊，一齊探索未來成長路向。
喺多媒體職業體驗工作坊，友師同學員體驗新聞主播嘅工作日常，透過模擬職場環境做幕前播報、讀稿，了解主播嘅入職條件同職涯發展，擴闊視野。
佢哋喺禮儀師職業體驗工作坊就去咗葵涌火葬場，認識禮儀師嘅工作專業性，友師同學員仲畫咗自己嘅人生繪本，啟發對生命議題同職業價值嘅反思。
東區青年公民大使歷史文化體驗日
委員會轄下嘅東區青年公民大使喺新春期間（8/2）就參與咗「中華歷史文化體驗日」，去咗昂坪體驗全港首個以「三國」為主題嘅互動體驗館 - 「中國王朝風雲館」，透過現代科技同多媒體效果呈現嘅經典《三國演義》故事，多角度認識中華歷史文化 。
佢哋又去咗饒宗頤文化館參加中式盆景藝術體驗🪴同茶藝工作坊，培養專注力同身心靈修養，深深感受到傳統中華文化嘅藝術魅力。佢哋仲親手創作屬於自己風格嘅玻璃盆景作品 ，同埋學習茶道沖泡技巧，真係唔簡單。
展望2025年，星月同行友師與青年心靈相伴，將繼續同行探索未來；東區青年公民大使會迎接更多嘅學習機會，創造更多美好回憶！
