@ 
南區嘅青年朋友以後又有多個聚腳點喇！位於鴨脷洲利東商場嘅「南Teen Café」喺15/2開幕啦！
「南Teen」諧音「藍天」，象徵青年嘅理想、夢想同對未來嘅希望。南Teen Café嘅設立主要為區内青年提供休憩同活動嘅空間，仲會不定期舉行各種專業證書課程📃、戶外探索活動，同義務學習支援等，希望大家嚟到可以好似喺咖啡店咁chill住休息、學習、同朋輩交流互動，揾到志同道合嘅夥伴，探索世界，一齊進步成長
而喺開幕日，中聯辦港島工作部副部長楊成偉、南區民政專員Francis，連同一眾主禮嘉賓就參觀咗南Teen Café嘅設施，同埋開幕前嘅活動花絮 。青年代表更分享咗佢哋嘅感受，話喺Café參加咗好多有意義嘅活動之餘，又認識到好多新朋友仔！同場更有由佢哋親手製作嘅中式茶點同文創產品，包括畫作、手鏈、手機繩等。嘉賓們都讚佢哋心靈手巧，手作仔又實用又靚，茶點好睇又好食。
南區民政處一直大力推動青年發展，今次亦要特別感謝香港南區青年發展聯會資助，以及南青鋒鼎力籌備，令南Teen Café終於開張大吉，成為南區青年朋友創新嘅空間、自由學習交流嘅平台。大家有時間都過嚟行吓，享受呢一片「南Teen」啦！
