@ 
大家期待已久嘅大熊貓龍鳳胎「家姐」、「細佬」終於喺香港海洋公園隆重登場，同大家見面喇！
15/2，行政長官李家超 John KC Lee、中聯辦主任鄭雁雄、文化體育及旅遊局 Culture, Sports and Tourism Bureau局長羅淑佩、海洋公園公司董事局主席龐建貽等一眾主禮嘉賓主持海洋公園嘅「大熊貓龍鳳胎亮相儀式」，南區民政專員Francis都有幸獲邀出席，一同見證呢個甜蜜時刻！
正式亮相前，仲有幫家姐、細佬熱身。南區民政處同海洋公園合作，安排咗50位區內小朋友同家長率先探訪熊貓姊弟！能夠同家姐、細佬近距離互動，小朋友都好興奮！
兩隻淺粉小毛團好快會長大，大家要把握機會，早啲入場同佢哋打招呼。唔講唔知，場內原來有兩個以大熊貓做主題嘅新景點——「竹夢之旅」同埋「大熊貓雙星道」。大家探訪之餘，記得順道去喺南區其他地方設置嘅各個熊貓打卡點，一齊投入大熊貓熱潮！
海洋公園今日中午起開始家姐同細佬嘅命名比賽，新名會喺今年上半年內公布。大家記得喺3月7號前網上遞交你哋心儀嘅名啦！
@ 