@ 
一年一度「花深時節」又嚟啦！深水埗民政處將會喺區內多個賞花熱點舉行活動。大家記得嚟打卡同玩呀。
深水埗民政處連繫社區 ，跨界別攜手合作 ，頭炮活動係由即日開始到3月底，大家可以喺饒宗頤文化館睇吓鬱金香。
等我深Duck帶大家一齊去欣賞啦！去片！
今次已經係深水埗民政處第三年舉辦「花深時節」活動 。嚟緊 3月9號同16號，喺南昌公園同荔枝角長義街，仲有花海展覽同花深市集 ，希望到時見到你哋！
鬱金香嘅花語係愛的告白 ，大家快啲同你愛嘅人一齊嚟打卡兼表白啦！深DUCK會繼續去深水埗唔同地方報導有關花深時節既活動，祝各位甜甜蜜蜜。
