@ 
南區幾時都係優秀青年嘅搖籃！為咗裝備區內青少年，民政處除咗舉辦各式各樣嘅活動之外，亦主動連結唔同地區團體，為南區青年提供創新又全面嘅體驗
最受歡迎嘅要數「南區優秀青年嘉許計劃」同「『勇闖高峰』學生領袖培育計劃」。兩個計劃分別嚟到第10屆同第17屆參加者需要經過多重嘅評核、社會服務同面試先可獲得嘉許。至於南區民政處近年同南青鋒合辦嘅「『青於南』學生大使計劃」亦成為地區嘅新力軍！計劃除咗有夏令營同社區服務、職場導向及體驗等項目，亦加入咗認識《基本法》及國家安全等元素，培養參加者成為愛國愛港嘅通才，為佢哋嘅未來打下良好基石！
今年共有261名青年喺三個計劃中脫穎而出，南區民政處喺16/2就聯同南區青年團、南區學校聯會、南青鋒同埋香港仔坊會喺海洋公園怡慶坊舉辦咗「優秀青年匯南區 嘉許·音樂·分享會」。活動有近千人參加，民政及青年事務局 Home and Youth Affairs Bureau副局長Clarence、中聯辦港島工作部副部長楊成偉、南區民政專員Francis等一眾嘉賓親自到場為獲嘉許青年打氣！
開場前，海洋公園熊貓飼養員同大家分享「家姐」、「細佬」嘅生活點滴。嘉許禮之後，一眾歌手為大家獻唱金曲，仲分享咗佢哋嘅奮鬥經歷，勉勵大家要時刻抱著積極同正面嘅人生觀！
承前啟後南區民政處會繼續推陳出新，與青年結伴同行！
