@ 
首對港產大熊貓寶寶已經喺16/2正式公開亮相。為咗慶祝呢個溫馨又令人引以為傲嘅時刻，啱啱嘅周末喺灣仔區都舉辦咗「愛上熊貓灣仔見」活動，喺跑馬地及灣仔街頭派發1500隻萌爆熊貓玩偶。
大熊貓熱潮席捲全城。大人細路收到得意嘅熊貓玩偶，個個都愛不釋手。活動獲多位嘉賓出席支持，包括立法會議員蘇長榮、梁熙；灣仔區議員劉珮珊、林偉江、李文龍、莫繡安、吳澤森同多位地區領袖以及灣仔民政處。
如果大家都想目睹「家姐」同「細佬」嘅成長生活片段，就記得快啲去海洋公園探佢哋啦。由即日至3月7日，大家可以參與命名比賽，為一對熊貓寶寶提議新名！
活動由香港灣仔區各界協會主辦、亦辰慈善基金會贊助以及灣仔民政處支持。
@