@ 
熊貓+ 油街實現= 露天電影欣賞會
2月15日係首對港產熊貓龍鳳胎BB「家姐」「細佬」嘅半歲生日。為慶祝呢個大日子，東區民政處聯同香港東區青年交流促進會，喺北角油街實現同街坊一齊欣賞風靡全球嘅《功夫熊貓4》，齊齊為「家姐」、「細佬」送上祝福。
東區民政專員兼東區區議會主席陳尚文、香港東區青年交流促進會主席黃保勤、油街實現館長鍾婉嫻同一眾地區領袖齊齊支持活動。當然唔少得東區吉祥物「東東」，同埋巨型充氣及人偶熊貓，觀眾都紛紛打卡留念~
參加者話大會嘅安排窩心，現場設有軟綿綿嘅充氣沙發，又有好多熊貓主題打卡位，大會仲即場派發著住「東」字衫仔特別版嘅熊貓公仔同爆谷飲品。大小朋友個個讚不絕口，表示喺咁chill嘅戶外地方睇戲都係第一次，係嶄新嘅電影享受。
東區文化節下個月繼續有精彩活動，包括喺東岸公園嘅當代舞表演，同埋喺近期最受歡迎打卡地標－東岸板道（西段）舉行嘅首屆東區街舞比賽，詳情將於東區文化節網頁公布，大家密切留意啦！
東區文化節網頁：https://easterncf.com