屯門區公民教育青年領袖培訓計劃：模擬區議會「我要做議員！」

由屯門民政處及屯門區青年發展及公民教育委員會合辦嘅「屯門區公民教育青年領袖培訓計劃」18/2已經嚟到第5課喇！青年學員「升呢」做一日區議員，出席「模擬區議會」會議，就佢哋關心嘅地區議題，直接向區議會主席關可臨及各政府部門代表提交建議。

「模擬區議會」按照區議會會議常規進行，青年學員喺「區議會」入面，積極就優化屯門公路巴士轉乘站嘅設施、加強防火宣傳教育工作，以及推廣屯門區深度旅遊路線發表意見。佢哋嘅提議創意十足，展現咗對社區事務嘅認識以及敏銳嘅觀察力。