幼稚園學生參觀中區警署

今日2月19日，中區警區警民關係組安排咗偉思國際幼稚園嘅小朋友參觀警署。

小朋友先參觀報案室，之後去到槍械室及上彈區睇到警察們如何領取裝備。接着參觀訓示室，期間展示並講解每件裝備嘅用途，讓佢哋知道日常軍裝警察一天工作及咁多咁重嘅裝備。

最後我哋仲帶小朋友坐上警車參觀同埋影相。希望透過今次參觀令小朋友從小開始了解警察嘅工作。

小朋友來自唔同嘅國籍，但係有小朋友話都很喜歡警察。

最後我哋都向小朋友講啲簡單嘅防騙資訊，仲派咗提子紀念品，細細個就教佢哋小心提防不要被壞人乘虛而入！