@ 
為慶祝農曆新年，灣仔民政處聯同灣仔區文娛康樂體育會2月5日喺新光戲院大劇場舉行「灣仔文康賀新春敬老粵劇晚會」，為區內近千位老友記帶來一場喜慶又充滿文化氣息嘅精彩表演，迎春接福。
晚會當日，立法會議員郭偉强、文康會首席會長貝鈞奇及會長蒲鳳屏等嘉賓親臨現場主禮，向長者們送上新春祝福 ，共賀佳節 。其後著名粵劇紅伶蓋鳴暉率領鳴芝聲劇團，獻演經典名劇《福星高照》。精彩又生動嘅演出，令台下掌聲不絕，氣氛熱烈。老友記們隨住歡樂喜慶嘅劇情笑逐顏開，度過咗溫馨愉快嘅晚上 。
今次粵劇晚會，既弘揚咗傳統粵劇藝術，亦向長者表達真摰嘅敬意同祝福。灣仔民政處與文康會一直致力於傳承本地文化藝術及敬老精神，在此祝願大家喺新嘅一年福星高照、身體健康、心想事成！
