@ 
新年新氣象，灣仔警區祝大家新年快樂、身體健康！
2月19日，灣仔警區喺警官會所舉行咗『凝聚社區 乙巳年新春團拜匯聚2025』。
是次活動係由灣仔區少年警訊同灣仔警區警民關係組籌辦，凝聚社區力量，共同維繫守法、種族、長幼共融嘅社區。
好榮幸邀請到警務處港島總區指揮官 郭嘉銓助理警務處長、中聯辦港島工作部 尤斌副部長、灣仔民政事務專員 張雁伶JP同埋灣仔區撲滅罪行委員會主席 莊創業先生 BBS, JP等嘉賓為活動主禮，並由警務處灣仔警區指揮官 賴孝光署理總警司以及灣仔區少年警訊名譽會長會主席 梁智佳先生聯同一眾主禮嘉賓進行醒獅點睛同開金豬儀式。
開幕儀式先由郭嘉銓助理警務處長、賴孝光署理總警司同梁智佳主席致辭，為春茗拉開序幕。
祝酒儀式過後，警區嘅豐富表演都令大家目不暇給，有軒尼詩道官立小學嘅醒獅表演、伊斯蘭鮑伯濤紀念小學嘅跳舞表演、灣仔區耆樂警訊嘅民族舞表演同埋聲之動力嘅歌唱表演，令在場嘉賓情緒高漲場面好熱鬧啊！
新嘅一年，灣仔警區仝人承諾會繼續同社區各界人士一齊維護國家安全、維持社區穩定並為社區帶來正能量。而灣仔少年警訊亦會繼續用心舉辦更多富有意義嘅活動，為社會培育更多【青年領袖、滅罪伙伴】！
