@ 
靈蛇慶新歲 ，金玉滿觀塘 ！新春期間，觀塘區舉辦咗一連串地區賀年及關愛活動，處處洋溢著喜氣洋洋嘅氣氛 ，觀塘民政處亦參與其中。重點活動包括：
1、正月十八（15/2），香港龍獅節籌備委員會喺油塘大本型商場舉辦咗「龍獅躍動賀新春2025」。活動除咗喺大本型主會場舉行舞龍舞獅 表演外，亦組織龍獅隊到觀塘區內巡遊表演，將新春佳節嘅喜慶氣氛傳遍社區 。
2、正月初七人日 (4/2)，觀塘區議員劉嘉華喺樂華邨舉辦咗「萬歲同歡愛樂華」活動，賀新春之餘，同為幾位觀塘區長者 歲辦大壽，筵開24席與區內長者共慶新春 。
3、正月十九（16/2），牛頭角區街坊福利會中午喺坪石邨廣場，聯同啟德扶輪社合辦咗「扶輪愛心獻關懷2025敬老盆菜宴」；傍晚，又喺秀茂坪南邨籃球場舉辦咗「喜迎新歲慈善盆菜宴2025」。兩場盆菜宴 有約1800位區內長者及街坊參與其中，可謂盆菜味香 ，人情味濃 。同日，香港壽臣山獅子會聯同張琪騰議員辦事處舉辦咗「靈蛇瑞獅獻關愛」，不同界別嘅地區人士齊聚油塘社區會堂，向400多位長者送上溫暖嘅祝福同關愛 ，場面溫馨幸福。
4、正月廿二（19/2），觀塘民聯會喺區內酒家舉辦「金蛇獻瑞賀新春」下午茶 活動，與一眾地區領袖聚首一堂，齊賀新歲 ，同時加強溝通聯繫 。
5、正月廿一（18/2），順天邨慶典委員會喺順天邨舉辦「順天邨乙巳年新春聯歡晚宴」，筵開20席，安排表演節目及抽獎活動，與區內長者共賀新春佳節。
喺金蛇年，觀塘民政處會繼續加強同各地區團體嘅聯繫，關愛市民
