Chill級青年@北區 Board Game Night

玩board game近年已經成為青少年嘅潮流，無論係角色扮演、推理解謎、攻防戰略定係card game，都有畀大家訓練腦轉數同鑽研策略嘅機會，仲可以識到新朋友！因此北區民政處今年再同路德會賽馬會雍盛綜合服務中心合作搞board game night，以board會友！

今次活動設立咗5個桌遊區，分別有狼人殺、魔力橋、爆炸貓、德國心臟病同埋UNO。每個桌遊區嘅遊戲都各有特色，適合唔同類型嘅朋友，最重要係可以透過真人對戰，增加社交能力，唔洗再單機！