@ 
由觀塘民政處、黃大仙民政處、觀塘區議會及黃大仙區議會聯同九龍東區各界聯會合辦嘅「九龍東新春繽紛消費大抽獎」 喺2025年1月17日至2月16日順利舉行 。活動廣受市民歡迎 ，登記 參加人次超過5800 ，登記消費金額總和超過760萬 ！
大抽獎設有1340份獎品 ！得獎幸運兒 名單已於2月20日喺活動網頁、《文匯報》及QUAMNET.COM公布。
今日（23/2）民政及青年事務局 Home and Youth Affairs Bureau局長麥美娟、中聯辦九龍工作部副部長郭長勇、九龍東區各界聯會會長李誌峰、黃大仙民政專員胡鉅華、觀塘民政專員何立基、立法會議員顏汶羽，聯同幾位觀塘黃大仙嘅地區領袖一同為活動主持頒獎禮。
頭六名得獎幸運兒親臨現場，領取豐富嘅獎品 。同場更舉行「九龍東景色攝影比賽」頒獎禮，表揚十位得獎者嘅影像創意及攝影才華 。
大抽獎活動得以順利舉行，有賴各贊助機構鼎力支持 及慷慨贊助 ，以及市民嘅積極參與。希望大家繼續聚力 本地消費 ，共築經濟繁榮。
@