@ 
今年係中國人民抗日戰爭勝利80周年，呢場勝利除咗係抵禦外敵嘅壯麗篇章，更承載先烈浴血奮戰嘅珍貴記憶。
日前（22/2），「中國歷史文化進校·區」之「抗戰勝利80周年」系列活動啟動禮於香島中學順利舉行。
大會希望透過講座、展覽及展板設計比賽，令市民大眾及學生深入研習呢個歷史課題。香港浸會大學歷史系副教授鄺智文亦應邀主講，以空間數據地圖深入淺出解說日佔時期香港實施軍法統治時司法制度被終止嘅情況 ，更述說咗深水埗區當時作為重要據點嘅角色，畀同學仔好似身歷其境咁感受抗戰三年零八個月嘅艱苦歲月，了解東江縱隊港九獨立大隊守衛家園嘅歷史。
活動由深水埗居民聯會主辦，民政及青年事務局 Home and Youth Affairs Bureau 副局長梁宏正出席主禮。同場其他主禮嘉賓包括中聯辦九龍工作部副部長李文彬、深水埗民政專員黃昕然、立法會議員鄭泳舜、梁文廣、陳凱欣及多位深水埗區議員。
