@ 
荃灣民政處今個星期舉辦咗兩個特色活動畀區內少數族裔同青年，畀佢哋更融入社區同開拓眼界。
荃城共融樂繽紛
荃灣區本年度嘅「地區為本種族融和計劃」名為「荃城共融樂繽紛」，一系列活動包括創作生活故事繪本 、舉辦音樂班組 同分享家鄉特色美食等。 整個計劃受惠人次超過800人，內容精彩，深受區內居民歡迎，有助從地區層面促進種族交流融和 。
喺日前（16/2)舉辦嘅文化交流嘉年華暨閉幕典禮上，唔同族裔嘅參加者分享咗佢哋嘅學習成果，一齊講述繪本故事 同表演音樂 。大家仲體驗咗Henna手繪、了解清真食物等，荃灣民政助理專員關俊傑亦有到場支持 。
荃灣區青年服務團 — 中國香港飛行總會參觀活動
日前(19/2)，荃灣民政處轄下嘅荃灣區青年服務團參觀咗「中國香港飛行總會」，畀區內中學生深入認識香港航空發展，荃灣民政助理專員關俊傑亦有一齊參觀體驗！
活動由中國香港飛行總會嘅工作人員 同機師 進行介紹同導賞，畀同學仔知道總會嘅發展歷史同埋ma服務範疇。唔少同學都好有興趣了解點樣成為小型飛機或直升機機師。
同學仔仲一齊參觀咗小型飛機「小獵犬定翼機」同R22直升機 。機師分享咗豐富嘅飛行經驗同埋有關小型飛機同直升機嘅小知識。同學仔都踴躍發問 ！而最興奮嘅環節當然係試坐小型飛機同直升機啦！ 。
活動得以順利舉行，有賴中國香港飛行總會同荃灣公立何傳耀紀念中學嘅鼎力支持 ！相信活動亦增加咗參加者對香港航空事業嘅認識 ，更好地了解自己嘅興趣，為未來做好準備！
@