@ 
2月23日係警務處「好市民獎 頒獎典禮2024 」嘅大日子！今年嘅主題係「好市民•好故事•隨處現」，荃灣區有兩位傑出嘅市民獲得嘉許 ，佢哋嘅勇敢同無私精神，為社區安全作出咗重要貢獻！
第1名得獎者：張如卉校長
張校長係荃灣區撲滅罪行委員會委員，佢喺一宗迷途老人 事件中，積極協助 及並悉心 照顧該位迷途老人，主動帶同迷途老人到荃灣警署 尋求協助，最終令到老人可以安全返回老人院 ，張校長展現出 獅子山精神 同關心社會 願意伸出援手幫助有需要的人。校長嘅行為唔單止幫助咗一位有需要嘅長者，更加體現咗社區互助 嘅核心價值，更為學生 們樹立一個良好榜樣 。
第2名得獎者：方景山先生
方先生喺一宗偷拍 裙底 案件中， 他展現出高度嘅英勇並挺身而出 ，協助受害人舉報案件，並積極協助警方 拘捕疑犯 。佢嘅果敢行為，唔單止保護咗受害人，更為打擊 罪案作出咗重要貢獻。
兩位得獎者嘅行為，正正體現咗「好人好事 」嘅精神，亦展現咗市民同警方攜手滅罪嘅重要性。最後，荃灣警區指揮官羅家康 總警司亦感謝兩位得獎者為社區嘅無私奉獻 ，並希望更多市民以佢哋為榜樣，一齊為社會出一分力 ，共建更安全 、更和諧 嘅社區。
