@ 
喺星期四2月20日，荃灣警署安排咗基督教安得兒幼稚園嘅小朋友仔參觀警署活動。一班幼稚園學生 喺警署 入面參加角色扮演活動，目擊一宗盜竊案件嘅發生。當警察 到場之後，小朋友就 將「賊人」 嘅特徵同埋事發經過講俾警察知。為咗協助警方破案，一班幼稚園學生從現場搜證開始，協助警方喺荃灣警署 深入調查。
一班警察哥哥 姐姐 為咗答謝呢班見義勇為嘅小朋友，就帶領佢哋參觀警署！除咗介紹警察日常巡邏裝備 。小朋友仲 參加咗指模 工作坊，學習套取指模嘅過程 。另外，仲帶班小朋友坐上警車 參觀同埋影相。之後就由警察領犬員介紹警犬隊 ，當中除咗講解警犬 嘅日常巡邏工作外，小朋友仲可以同警犬 玩同埋影合照 。
