@ 
觀塘區嘅歷史同風景一向充滿色彩。近幾個月，觀塘區就舉辦咗兩個同攝影攝錄相關嘅項目，讓大家一齊用影像記錄「觀塘故事」。
首先，觀塘區青年網絡「樂觀派」嘅同學仔參加咗為期兩個月，一共十堂嘅主題訓練計劃「影匠由我創」，學習多媒體及攝影技能。過程中，學員除咗深入認識攝影
同製作影片嘅技巧，更主動走到觀塘嘅大街小巷拍攝，感受到創作嘅樂趣同成就感。
同製作影片嘅技巧，更主動走到觀塘嘅大街小巷拍攝，感受到創作嘅樂趣同成就感。同時，觀塘民政處同觀塘區文娛康樂促進會亦合辦「觀·賞」攝影及短片拍攝比賽，鼓勵居民用照片、短片同Reels 分享關於觀塘嘅獨特風貌。過百名參賽者向民政處提交作品，除咗喺內容創作上盡顯創意，更展現出優秀嘅拍攝技巧。
大會感謝國際獅子總會中國港澳303區及香港大專青年協會贊助拍攝比賽嘅豐富獎品，包括專業攝影器材，希望鼓勵青年人同得獎者繼續發揮拍攝潛能，為觀塘區記錄獨特及可愛嘅一面。
上星期六（22/2），觀塘民政處就舉辦咗攝影比賽頒獎禮暨「影匠由我創」成果分享會。觀塘民政專員何立基、觀塘區文娛康樂促進會（文娛會）會長莊裕坤、立法會議員鄧家彪、觀塘區青年發展公民教育委員會主席李誌峰、文創團體StudioKT創辦人Damien Green、文娛會副會長朱偉雄，以及各地區領袖蒞臨主禮。大會同時鳴謝StudioKT 借出展覽同典禮場地。
「觀·賞」比賽過後，民政處亦都會舉辦兩場「觀·賞」作品展，希望讓更多觀塘區嘅居民都可以欣參賽者精彩嘅作品。詳情如下，到時見
「觀·賞」作品展 1：
日期：2月25日至3月8日
開放時間：12:00-1800
地點：StudioKT (觀塘 開源道48號 威利廣場1206室）「觀·賞」作品展 2
日期：2月28日至3月2日地點：觀塘YM² 裕民坊 UG大堂
@ 