@ 
大埔民政專員陳巧敏，連同大埔鄉事委員會主席暨大青活動策劃委員會副主席林奕權、海陸空青年義工工作小組召集人張育文，率領30位大埔青網成員，喺2月19至24日親身認識祖國與印尼喺「一帶一路」框架下嘅海上絲綢之路發展，以及印尼群島多樣而悠久嘅文化。
大青成員拜訪國家駐登巴薩總領事官邸，由總領事張志昇親自接見同作出深刻、坦誠、有大局觀嘅分享，深入探討國家與印尼嘅經貿發展、文化交流、國家企業如何改善印尼人民生活、香港與峇里島交通規劃經驗借鑒，以及印尼峇里地區領事保護條例嘅實務應用同國家公民享有嘅權利，增加參加者對國家外交層面及大局發展嘅認識！大埔青網成員仲同總領事及職員分享佢哋對「一帶一路」國家政策於印尼嘅實踐、十四五規劃下香港嘅定位、以及印尼喺海上絲綢之路策略地位嘅睇法，互相交流，外交成就解鎖！張總領事仲寄語大青成員要努力裝備自己，將來更可考慮加入國家外交官行列，報效祖國。
