@ 
精神健康係大家熱烈關注嘅話題。深水埗民政處亦一直致力提升大眾對身心健康嘅重視，就等深DUCK同大家回顧吓一系列精彩嘅社區活動啦！
1.藝力足球嘉年華
藝力足球️嘉年華日前（23/2）喺麗閣商場對出空地順利舉行，希望透過唔同活動提高兒童嘅社交能力，提醒大家關注情緒健康。
現場設有攤位遊戲、體驗工作坊同節目表演，而附近興華街遊樂場更有精彩嘅足球表演賽，多位足球小將上場踢波，衝呀衝快搶攻，熱鬧又充滿歡樂。
活動由香港救助兒童會舉辦，主禮嘉賓包括勞工及福利局副局長何啟明、深水埗民政專員黃昕然、立法會議員梁文廣、張欣宇、中國香港足球總會總幹事張炎有、香港樹仁大學輔導及心理學系遊戲治療碩士課程總監張艷、香港救助兒童會董事黎歐陽汝穎及各福利機構及支持單位代表。
2.「V JUMP」正向青年培訓計劃2024-2025成果分享會
成果分享會喺星期日(23/2)於旅港開平商會學校順利舉行，希望青年透過正向思維培訓建立積極正面嘅處事態度，幫助佢哋跨過逆境中嘅挑戰同情緒。
除咗表揚完成培訓計劃嘅學員外，同學仔仲分享培訓嘅成果同感想。上屆學員精彩嘅舞蹈表演 以及現場攤位遊戲，令整個活動生色不少！
「V JUMP」正向青年培訓計劃2024-2025由願景基金會舉辦，幫助有需要嘅青年。民政及青年事務局 Home and Youth Affairs Bureau副局長梁宏正、深水埗民政專員黃昕然、公民教育委員會社區參與小組召集人楊燕芝、多名深水埗區議員都有出席支持。
