@ 
屯門民政專員兼關愛隊總指揮關可臨25/2召開關愛隊第5次工作會議，全區31隊關愛隊齊集，回顧及檢視各項工作。
各隊關愛隊喺會上分享咗佢哋服務居民嘅經歷同心得，當中有辛酸亦有喜樂，但大家都秉持「民政幫到你」嘅精神同結集團隊嘅力量，全心全意為居民提供更好、更貼心嘅服務。
總指揮表示關愛隊嘅服務同工作十分有意義，大家都時刻關心區內居民。除咗提供極具機動性嘅全方位服務，亦強化咗政府喺地區嘅行動力，獲得社會認同。佢以剛剛喺星期日(23/2)舉行嘅「第⼗五屆全國運動會跨境馬拉松測試賽」為例，關愛隊除咗協助發放政府嘅交通消息，亦喺深圳灣口岸暫停服務期間，派員到跨境巴士站，協助解答市民嘅一般查詢同提醒佢哋選用其他路線前往深圳，市民十分讚賞關愛隊喺現場為佢哋提供適切協助。
