@ 
蛇年伊始 ，萬象更新 ！黃大仙民政處今日（27/2）喺東頭社區會堂舉辦黃大仙區乙巳年新春團拜 。民政總署署長杜潔麗、中聯辦九龍工作部副部長賴建華、黃大仙民政專員Thomas、一眾社會賢達、地區團體及政府部門代表聚首一堂 ，場面熱鬧 ！
典禮先由黃大仙區中式步操隊昂首闊步，高舉國旗進場 。大家高唱國歌後，專員致辭向嘉賓送上新年祝福 。署長之後聯同賴副部長為一對醒獅點睛及簪花掛紅 ，瑞獅隨即帶來精彩表現 ，為大家送上祝福 ！救世軍卜維廉中學嘅同學隨後帶來「金蛇鼓舞迎新春」 ；聖博德學校嘅同學則合唱「同心祝福你」 ，以激昂鼓聲及悠揚歌聲 ，喜迎新歲 ！
黃大仙民政處衷心感謝各地區團體及政府部門喺過往一年同我哋緊密合作 ，服務社群。展望未來，民政處會繼續貫徹「民政幫到你」宗旨 ，聯同區議會、「三會」同關愛隊攜手合作 ，建設美好黃大仙，增強市民嘅獲得感同幸福感 。
最後 ，我哋祝願國家富強昌盛、香港政通人和、經濟百業騰飛、各位新年快樂、身體健康、家和萬事興
@ 
@