@ 
西貢民政助理專員林苡晴聯同西貢區議員尋日（26/2）參觀將軍澳海水化淡廠 並與水務署署長黃恩諾會面，深入了解呢項重要設施嘅運作情況，以及喺管理本港水資源 中發揮嘅關鍵作用 。
將軍澳海水化淡廠採用最新嘅「逆滲透」海水化淡技術，生產符合香港食水標準嘅食水。海水進入化淡廠後，會先過濾以清除雜質同懸浮粒子，然後利用「逆滲透」技術去除鹽分、其他雜質及微生物 等，再加入化學物以調整水嘅硬度、酸鹼度等，以符合香港食水標準。最後，處理好嘅食水與其他來源供水會一同經將軍澳食水主配水庫，供將軍澳、西貢、九龍東及港島部份地區使用 。
各西貢區議員都對海水化淡原理 、運作過程 、日常維修 等十分感興趣，更關心海水化淡廠為減少影響附近環境而實行嘅環保措施 。大家喺參觀過程中提出咗不少深入問題 ，水務署同事 都一一詳細回答 。
海水化淡廠第一階段已於2023年12月22日開始供應食水，產量可達本港約5%食水用量 。海水化淡廠為本港提供收集雨水 同輸入東江水以外嘅另一個食水來源，使水資源組合多元化；而海水化淡廠採用了先進技術降低能源消耗 同廢物產生，為環境保護及可持續發展方面作出貢獻 。
水務署致力開拓不受氣候變化影響嘅水資源，海水化淡廠提升咗本港供水韌性，確保每位市民都能獲得安全可靠 嘅食水。最後提提大家，食水珍貴，切勿浪費啊
