@ 
油尖旺青建會尋日(27/2)傍晚開咗今屆最後一次會，總結過去兩年嘅工作，包括
1.建議喺榕樹頭放置霓虹效果燈牌作打卡點。
2.建議用「旺角四寶」（花墟、雀仔街、波鞋街同金魚街）做旺角道行人天橋美化工程嘅主題。尋晚會後，主席汪紅同委員仲去咗現場打卡。
3.就「青年空間」等項目舉辦咗四場工作坊，讓青年參與設計。
4.為街道命名「油旺里」。
5.就「漫畫星光大道」畀意見。
6.討論社區中心操場加設施畀青少年用。
其實油尖旺民政處呢兩年美化咗區內唔同設施，包括：
1&2搵青年畫梁顯利油麻地社區中心兩幅壁畫：分別用咗熊貓、油尖旺特色同埋體育元素做主題。
3.以種族共融為主題，美化西貢街行人隧道。
4.以油尖旺地標美化櫻桃街行人隧道。
5.喺櫻桃街公園同康文署及青少年一齊畫壁畫。
6.喺西九迴旋處換上主題貼紙，方便駕駛者。
另外，民政處今日第二次幫香港高才通人才服務協會喺尖沙咀會堂搞就業展覽，希望幫到區內外嘅高優專才居民。
@