@ 
由九龍城區校長聯絡委員會及九龍城民政處合辦嘅「九龍城區傑出學生選舉頒獎典禮」 今日（1/3）下午圓滿舉行 。
「九龍城區傑出學生選舉」已經有超過20年歷史，係區內年度學界盛事。活動設有小學組、初中組同高中組，每間學校可於每組提名1位學生參加。活動一直深受區內學校、學生 同家長嘅支持，今年更合共收到超過140個提名。評審團透過筆試及面試選出10位品學兼優，熱心服務社會嘅參加者成爲傑出學生。於去年成立嘅九龍城區傑出學生協會（龍傑）亦全力協助舉辦今次活動。佢哋致力貢獻社群，提攜後進，讓龍傑精神薪火相傳。
超過400人出席今日嘅頒獎典禮，家長、校長、老師以及一眾嘉賓共同見證呢班優秀學生嘅光輝時刻 ，場面熱鬧！九龍城民政專員蔣志豪藉今年選舉嘅評選文章題目「從運動中，我領悟到......」，勉勵各位得獎學生鍛鍊身體，從運動 中培養團隊合作同體育精神，一齊迎接啟德體育園開幕、全國運動會及多項體育盛事。
九龍城民政處會繼續積極推動多元化、貼近年青人需要嘅地區活動，期望凝聚社會各界力量，培育年青人成為愛國愛港、具備世界視野、擁有健康身心靈嘅新一代。
